عندما .. تحلم أختي … أفــلاما …!!!؟

أهلين بنات
خلوني اقولكم حلم حلمته من ثلاث سنوات تقريبا ولا نسيته وكل ما قلته لشخص على شان يفسره قعد يضحك  ويقول أكيد انك شايفه زينه ونحول قبل ماتنومين
المهم انتم شوفوا حلمي واحكموا 
(المشهد الأول) إني كنت في السيارة مع أبوي بعدين صار حادث 
(المشهد الثاني) إحنا في المستشفي على السرير وموضوع علينا الغطاء الأبيض والممرضات يدفون الآسرة وموجود ناس يمشون وراء الممرضات ويبكون يعني أكيد حنا متنا 
(المشهد الثالث)وأنا نايمه على على السرير وكلي متغطية بغطاء ابيض والناس وراى تبكي فجاءه بداء شئ مثل الروح يطلع من جسمي ويطير فوق فوق فوق فوق في السماء 
(المشهد الرابع) أنا لابسه فستان مرة مرة مرة حلو لونه ابيض وكنت مثل الأميرة  بس المشكلة إني كنت واقفة على ورقة شجر واقعه في النهر يعني جسمي تقلص وصار مره صغير
المهم أنا قاعدة أتحرك مع التيار واتامل الورود اللي صارت ضخمه (على شان أنا صرت قصيرة مرة مرة مرة)
وتأمل لين شفت بوابه بين الورود المهم تيار النهر وداني للبوابة
(المشهد الخامس)دخلت لعالم ثاني كان أجمل من العالم الأول وأنا بعد مرة ثانيه قاعدة اتامل شفت خليه نحل 
بعدين طلعت منها نحله وقعدت تكلمني (شوفوا الحوار)
النحلة: صباح الخير
أنا : صباح العسل
النحلة:لدينا هنا حفله هل تودين المشاركة
أنا: ايه ايه قصدي نعم نعم ارغب المشاركة بس قصدي لكن أنالا استطيع الطيران
النحلة: لاداعي للقلق سوف نأتي لحملك
بعدين جو نحلتين وشالوني ودوني داخل الخلية 
(المشهد السادس) داخل الخلية كان الوضع أشبه بمهرجان
كل حشرات العالم كانت موجودة مافيه ولا صرصورالا وشرف وجايب معاه جيرانه الخنافس والعناكب
وبعد عائله النمل كانت متواجدة والجراد والدعسوقات والذبان مثل ماقلت في الأول شكل الدعوة عامه كخ كخ كخكخكخ
وكلهم كانوا واقفين حوالين حوض كبير فيه عسل وكلهم قاعدين يشربون منه
 
المهم النحلة قعدت تشرح لي السالفة (تخيلوا نحله قاعدة تشرح لي )
وقالت أنهم يحولون يبحثون عن ملكه وفيه شرط متوارث عبر الأجيال انه مااحد يقدر يصير ملك لين يشرب من العسل الملكي وإذا شربه وطلعتله أجنحه يصير الملك أو الملكة
المهم عاد إنا شفت الدنيا كلها قاعدة تلحس في هذا العسل وقلت يالله خلونا لحس بعد
المهم قعدت اشرب واشرب واشر ب
لين حسيت بحكه في ظهري وبديت احك ظهري
لاحظت دعسوقه الموضوع
وكانت كبيره شوي في العمر 
المهم جتني وقعدت تكلمني وتلمس ظهري وتقول لي انا لدي دواء دعيني أضعه على ظهرك
عاد أنا من الخفة قلتلها شكرا لك وقعدت طول الوقت أتشكرها وهي تدهن وتدهن المهم أنا مااعرف ايش حصل فيني وإغماء علي
(المشهد السابع ) أنا طايحه على الأرض وكل الحشرات متجمعة حولي والغريب أن سبب الحكة بداية ظهور الأجنحة وشكل= الدعسوقه انتبهت للموضوع وغارت وقالت خلوني اقتلها أحسن ما تصير ملكه وتأخذ كل شئ (ايش رأيكم فيني ما كأني كونان)
المهم وحدة من النحل قعدت تصرخ وتقول أين الطبيب احضروا الطبيب بسرعة عاد الكل متحمس علشاني أنا ملكه ولا لو ماكنت ملكة يمكن شالوني ورموني من خليتهم
جاء طبيب النحل يركض ومعاه شنطه وحاط سماعات تدودل 
جاء عندي وشاف لوني ازرق  وقال هذه الملكة مسمومة وهذا هو الترياق
وخلاني اشرب الترياق
بعدين جاء أمير الخلية  مع جنوده وكانوا يحاولون يستجوبون المتهمين
المهم الدعسوقة حاولت الهرب واحد الجنود انتبه لها ومسكها
 
خلونا الحين نرجع لي ولترياقي
الجنود شالوني وحطوني في ذيك الغرفه اللي ماقد شفت مثلها شئ شئ
كلها مصنوعة من الذهب حتى الاغطيه مغسولة من مويه الذهب
المهم كل هذا الكلام وأنا لسه مغمى على مني داريه عن نفسي
(المشهد الثامن)انا نايمه على السرير وما فيه احد عندي بعدين
قمت يوم قمت قعدت اتامل  الوضع اللى أنا فيه ويوم خلصت من تأملي فزيت بسرعة وفتحت باب الغرفة وقعدت اركض واركض واركض  ابى اطلع برى الخلية
عاد تدرون مين شافني يوم إني اركض امير الخلية وقعد يركض  ورأى وينادي الحراس
أنا من الربكه حاولت أطير بالا جنحه وأبشركم طرت
ولما التفت ورأي على شان اشوف الوضع لقيت الأمير يطير ورأي والحراس اللي يركض واللي يطير 
وأنا أطير وأطير وأطير وأطير لين وصلت للبوابة
بعدين سمعت الأمير يقول للنحل أغلقوا البوايه أغلقوها و أنا أطير واطيرواطير لين طلعت من البوابة
بعدين انا صحيت من النوم لا وبعد جايني شد عضلي بسبة الركض 
وش رأيكم نهاية حلوة
 
……..
……..
وش رايكم…!؟ 
 
هذه طبعا … أختي …!!!
أحلامها غريبة زي كذا … مدري وش تبي ض1
الحلم هذا منشور في موقع … ( عالم حواء )
أنا كتبت الموضوع … عشان اقولكم عن حلمي انا
شخص … اخبرني عن قريب له… تعرض للطعن
بعد ايام … حلمت بأني اتعرض للطعن … واكثر من مرة بعد …!!!
حلم كان عنيف للأسف .. والله فعلا أثر فيني
نفس الشخص … تعرض والده لأزمة صحية … في الكلى
أسأل الله يشفي الوالد
 
أنا بعد مدة … حلمت بأني في المستشفى … وأن فيه انبوب طالع من كليتي
 …!!!
غريبة الاحلام
أنا متأكد انها ترسل لنا أشارة او تحذير
بس مو دايما يكون هذا الكلام صحيح
يمكن تكون إضغاث احلام
يعني … يا أختي … ترى ما عندك سالفة
روحي نامي وتعوذي من ابليس احسن لك
تحياتي
This entry was posted in Uncategorized. Bookmark the permalink.

2 Responses to عندما .. تحلم أختي … أفــلاما …!!!؟

  1. sHmo0o3 says:

    ههههههههههههههههههههياحبيلها حشىى مو حلم فلم هندي هههههههههههههالاحلام غالبا ما تكون من الخيال الباطن اذا احد فكر بشي او تخيل شي حلم فيه ,, ماتكون رؤيا صح وتحتاج تفسير الا بشروط ….تحياتيـ

  2. NaDeR says:

    خخخخخخخخخخخخخخخخخخخخخشفتي كيف…!!!؟من جد فلم هنديالمشكلة انها تحلف انها حقيقة…؟على كل … اتوقع انها متأثرة في مسلسل زينة ونحول … او مسلسل بشار حق الافلام كرتوناشوى بس انها ما تحب تتابع غرندايزر …ولا كانت صارت مصايب ض1…تحياتي وشكرا على المرور

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s