الجزار الصغير

القصة هذه بسيطة
وممكن تكون مضحكة, من أول وهلة
لكن … اتوقع هي تحمل جهل كبير
دخلت بيت صديقي
وكان ولد اخته الصغير على الباب
عمره يمكن اربع سنوات
الولد ما شاء الله عليه
كل من شافه حبه
وأنا اصلا … احب الأطفال بشكل جنوني
الطفل … اسمه سعد … على اسم جده
اول ما شفت سعد الصغير ودانة , طلعت البوك
وعطيتهم العيدية
وجلست اسولف معاه … واسمع سوالفه
من بين الخرابيط اللي كان يقولها
حركة يسويها بيده … مثل الشخص اللي يقتل واحد ثاني بسكين من رقبته
انا جلست اسأل سعد, واخليه يسويها أكثر من مرة
وكأني فهمت عليه
وكأني فهمت.. ليه هو متلهف يكلمني عن الموضوع هذا
سعد … الجد الكبير
كان يحب أبناءه واحفاده
ولكن احبهم لقلبه, هو سعد الصغير
بسبب هذا الحب, تم منح سعد الصغير امتيازا خاصا عن باقي الأطفال
هو
ان يشهد ذبح الأضحية …!
يشهد الذبح … ابتداء من قطع الرقبة … مرورا بسلخها وتقطعيها … إنتهاء بـ وضعها في القدر …!
مدري … هل هذا الحب نعمة … أم نقمة
حب … يسمح للطفل برؤية هذه المشاهد …!
أعرف ناس كبار في السن … ومثل عمري
ما يتجرأون يشوفون هذه المشاهد
ليه الشخص الكبير العاقل … يسعى لرؤية القتل والذبح بشكل اختياري وطوعي …!
مدري عن رأي علم النفس في الموضوع هذا
لكن من المؤكد أن سعد الكبير, لم يقرأ عن الأطفال الذين قتلوا اخواتهم واخوانهم بسبب تقليد الكبار
فما برأيكم سيحدث, لو وقعت يد سعد الصغير على سكين… وامامه طفل صغير …!
أحد زمــلائي كان يدرس علم النفس
ويقول … بأن الطفل أيضا له شهوة
شهوته وهو رضيع … الاكل … بمعنى يلتهم كل شي
شهوته وهو صغير … التقليد
تذكرت ولد اختي نايف … كان مرة مرة هادي
لكن بعد ما صار يتفرج على سبيس تون … والأفلام حقتهم …. انقلبت حالته …!
صار ما يستقبلني في البيت … إلا بالضرب والهجوم المدمر والمدري ايش …!
مسكين سعد الصغير
يريدون أن يجعلوه رجلا برؤية الدم يسيل … وإعتياد جز الأرقاب
وربما كان من الأفضل … لو أدخلوه مدرسة أهليه … يتعلم فيها اللغة الانجليزية
بــدلا من تعلم الجزارة في العيد …!
اطيب تحية
 
This entry was posted in Uncategorized. Bookmark the permalink.

4 Responses to الجزار الصغير

  1. sHmo0o3 says:

    ســـــلامـ طفــل صغير ويروح يحضر الذبح والذبيح !!هذا من جد خطـــر عليه الطفل في هالسن مقلد ومصورممكن يسوي اي شي يشوفه قدامه خصوصا ان كان شي صادر من ناس قدوه له والدهـ او احد من اهله ..ولو ماسواه فهو يحتفظ بالصوره اللي شافها اللين يكبـــر ما تتغير .. عقل الطفل في هالسن يصــور كل شي يشوفه وممكن يرجع لهلصور بأي وقت …اما سبيس تون والتلفزيون بصفه عامه فهـــو دمار للاطفال لانهم مايعلمونهم الا العنف !! وهذا يدمرهم على قولك صارو مايتكلمون الا بالقتل والقتيل وصراخ وحاله ..المسئوليه على الاهل بالاول والاخيـر !!والا هذولاء مايدرون عن شي :(وســـلامتك🙂

  2. NaDeR says:

    أهلين غرووبة…اوكيه, الحمدلله, يعني معلوماتي صحيحة وما خانتني الذاكرة…اختي متخرجة من رياض اطفال على فكرةمثل تخصصكوهي مدرسة حالياوكلمتها في الموضوع…تقول .. الطفل يتعقد … ويكره اللحم بعدين…وهذا اللي حاصل فعلا مع احد من قرايبنا…الشخص هذا وهو صغير, حضر ذبح خروووفوإلى الآن مع أنه في الثانوية … ما يآكل لحم …!……للأسف ما فيه وعي من الأهل بخطورة الشي هذا……تشاااااااااااااااااااااااااااااااااااااااااااااووشكرا على المشــاركة غروووبة

  3. moon says:

    نادر انا معاك وكلامك صحيح 100% ومااقول غير هالكلاملكن انا اتذكر يم كنا صغار كان جدي يضحي في البيت وطبعا لازم كلنا نحظر الذبح والعيد عندنا كان يبدأ من اليوم اللي يجيبون فيه الضحايا للبيت ومن الفرحه مايجينا النوم بالليلكنت احس ان هذي فرحة العيد كان مره ناسهوكنا نشارك بتوزيع اللحم على الجيرانيعني لو بيدي ارجع هذيك الايامسلام

  4. NaDeR says:

    أهلين جوجو…ما شاء اللهكنتي تحضرين الذبح وانتي صغيرة…!…انا ضد الفكرة وان شاءالله ما يعيشها احد … خاصة الصغارانا طبعا مو ضد الذبح بس كل شي في وقته حلو نترك الاختيار للطفل لما يكبر او حتى لبيئته بس ننتظر لما يكون الولد جاهز يشوف المشاهد هذهمو نفجعه بـ الذبح وقطع الرقبة والدم وعمره 4 سنوات …!…أحد زمــلائي (سلطان) … لما شاف الموضوع هذا في السبيسجا يعلمني عن سالفة صارت لـ بنت خالتهالبنت عمرها 9 سنوات وكانت في المطبخوفجأة سمعت صرخة امها … والتفت ورىتخيلوا…؟كان اخوها (5 سنوات ) رافع " الساطور " عند رقبتها … بس من صرخة امه, خاف وطاحت " الساطور " من يده …!تتوقعون وين تعلم ان الساطور تضرب على الرقبة..؟اكيد من التلفزيون او مشاهد الذبح … صح.؟.طيب ليه ما يكون هذا درس لنا نتعلم منه..؟…أطيب تحية🙂

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s