تعليق على أغنية

أهلين


قبل يومين, كنت في وقت الاستراحة في العمل

وجلست اسمع أغاني غربية كالعادة, وفجأة, حبيت اغير واسمع الـ FM
من حظي السيء

كانت أغنية عبد المجيد الأخيرة

 

يعني تحسبين أكبر همي أنتي
لا و الذي سواك غيرك زيون
ماني بهين شري ويمكن فطنتي
من يخطي بوحده أرده مليون
وأن سألو ربعك علامك ذبلتي
قولي لهم من حب ذا اللي تشوفون
يا صلك حكي وانتي لااستجبتي
ماتشوفين اللي بالقلب مكنون
ترى العقل نعمة وذا عيبك انتي
غزالة تسرح على وين مايكون
ما عاد عندي إلا ما سمعتي
ولو تصبرين شوي يمكن يزيدون

اممممممممممممممممممممممممممممم

أنا أكره اللي كذا

صح اداء الفنان كان حلو

وصوته جميل … واللحن كان جيد

لكن الكــلمات كانت غبية بالنسبة لي

وأنا كلمات الأغنية هي الركن الأساسي

فأنا أتذوق الكلمات … وأعجب فيها

أحب لما يكون الشعر غزلي … ويمدح المرأة

لأنها فعلا تحتاج المدح

لكن لما يكون ذم وهجر وسب وقذف …!
أصلا مستحيل أحد فعلا يحب … يوصل للأسلوب هذا

لأن قلبه ما يجرأ يسب شخص, كان إلى وقت قريب… كل أركانه


مدري …تتوقعون الكلمات لها علاقة ببيئة الشاعر ومجتمعه ..؟


كلمات الأغنية … ذكرتني بحال الكثير من الشباب اللي أعرفهم

وحال الكثير من القصص اللي أعرف اصحابها

الأشخاص اللي يدعون أنهم يحبون

الشي اللي يضايق … هو الشخص اللي يدعي الحب

يدعي انه يحبك … ويضحي عشانك … والدنيا ما تسوى زعلك

لكن لما هو يزعل … تنقلب المفاهيم والمبادئ

أتوقع اللي يصير نوع من الأنانية وحب التملك

أحب اتملك الشخص اللي أمامي لأنه أعجبني

لكن بدل ما أسميه تملك … أسميه حب

بينما الحب هو العكس تماما … برأيي

لأني اتصوره … عطاء بدون حدود من كل طرف باتجاه الطرف الآخر

ربما فيه أخذ … لكن العطاء يأتي بدرجة أكبر

هذا مفهومي البسيط

بس أتوقع أنه صحيح

أقول .. ولله يا ربعنا ما عندهم سالفة ولا يعرفون في الشعر والغزل
الله بس  يا كلمات نزار قباني

وبعض أشعار غازي القصيبي

فعلا ثنائي رائع

مع أن نزار أفضل بالنسبة لي


لما أقرأ لنزار … يأتيني إحساس راااااااااااائع لا يوصف

فرح, طرب, استمتاع وذوق مرهف

ولما أقرأ أو بالاصح اسمع أغاني مثل شاعرنا  اللي فوق

أعرف … أن نزار ما زال شاعر المرأة الوحيد

وأن ربعنا … ما عندك أحد ض1



عودة للتعليق على القصيدة أعلاه

برأيي أيها الشاعر المبجل

نعم … لما أحب … راح تكون محبوبتي أكبر همي

ولا … ما راح يكون فيه أي شخص إلا هي … يعني هي الزين الوحيد في عيني

وجمالها هو الجمال الوحيد بالنسبة لي

أما بالنسبة لكلمة شر ومدري ايش

اصلا… لما أحب شخص … هل أفكر آذيه..؟

يعني ناوي تخربها قبل تحب أصلا …!

والله دنيا غريبة ..!

باقي الكــلمات … ما راح اتكلم عنها … لأنها أصلا مالها داعي

ولاحظوا … بأن آخر القصيدة فيه تهديد بعد ض1 ض1


اقول … الله يعين البنت اللي راح تتزوج  الشاعر هذا

بدال ما يسامحها على الغلطات والزلات … اللي مجبرة تحصل منها  كبشر

راح تلاقي أنواع الانذارات والتحذيرات

ويمكن على كل غلطة , مخالفة ض1

ولله في خلقه … شؤووووووون



88
واحد فاضي يعلق على القصائد


تشاااااااااااااوااااااااااااات

 

This entry was posted in Uncategorized. Bookmark the permalink.

6 Responses to تعليق على أغنية

  1. .. Shoog .. says:

     
    ســـــلامـ
     
    صراحه استغربتـ بالبدايه انك حاط هالاغنيه قلد ابددد مو ذووق نادر
     
     
    هههههههههههههه
     
    وطلع انتقــاد قلت بس هو هذا الي نعرفه 🙂
     
     
    بالنسبه لي ماحبيت هالاغنيه مع اني اقدر هالشخص ( عبدالمجيد ) بس فعلا
    كلماتها مااش شينه واحسـ انها ثقيله
     
    وزي ماقلت اللي يحبـ من جد مستحيـل يهدي حبيبته هالكلامـ حتى لو ايش ما صار ..
     
    تصدق عاد هالشي هو اللي ينقص اللي يقالهمـ يحبون عندنا يعني الواحد او الوحده مجـرد مايصير اي شي بينهمـ خلاااص على طول تلاقي كلام الاهاناات واللي يعتبر تافه يتبادل بينهمـ ..
     
    اللي يحب من جد مايرضى ينقال لحبيبه ولا شي من الكلامـ القاسي والجارحـ حتى لو اخطى
    اللي يحب يعطي بلا حــــدود
    بس وش تقول عندنا شعب الحمدلله والشكر !!
     
    امممممم
     
     
    بس بصراااحه انا تعجبني الاغاني اللي فيها تهزىء للرجل خخخخخ مع احترامي لك
    احس انها تبين قوة المراءه احب اسمعها واستمتع فيها … بس طبعااا مو مثل الاغاني الهااااديه والرايقه اللي تحرك المشاعر من جد 🙂
     
    عموماا نوعية الاغاني تكون حسب المزاج ودي اصيح اسمع اللي يصيح
    ودي بالهدوء اسمع الهدوء والروقان وهذا الغالب
    ودي انطرب اسمع الرجه والجنان
     
    شي واحد يجتمعون فيه هي الكلماات الحلوه🙂
     
    امممم
     
    على طاري عبدالمجيد له اغنيه جديده نقيض هذي تمامااا اسمها ( اهتم فيني ) اتوقع تعجبكـ
    ان شاءالله قريب اسوي لها تصميمـ وانزله بسبيسي ..
     
     
    وبسسس احس اني طولت على غير فايده …
     
    فمااااان الله🙂

  2. NaDeR says:

    أهلين غرووووووووووووبة
    …صباح الخير
    …وأخيرا شفناك في السبيس ض1
    …بس ترى معاك حق … أنا مو ذوقي الاغنيات هذه …😦
    …بعدين عااااااااااادي جدا … اي موضوع تقريه
    توقعي مباشرة انه انتقاد
    خخخخخخخخخخ
    لاني مو راضي عن كثير من الاشياء عندنا
    …اشبه مجتمعنا … بناس كانوا يسكنون في البر
    وفجأ انتقلوا للمدينة … لكنهم ما زالوا يحملون في داخلهم , عادات البر
    …وبالنسبة لـ الرجل الشرقي … أنا مثلك، احس انه يحتاج شوي تهزيء
    خخخخخخخخخخخخخ… مع احترامي للتماسيح ض1
    …بس من جد
    كنا نشوف الاشخاص من حولنا , وفي العادة الاصدقاء
    داخلين تجربة حب … وأحلى ناس .. ومرة رومنسيين
    بس بعد فترة, نشوف أنواع الشتائم … !!!

    أتوقع انهم كانوا يتوهمون بشي اسمه حب
    لكن حاليا … احس الشي هذا انتقل حتى للشعراء
    مرة سمعت في الاف ام … اغنية لـ جواد العلي
    فيه كلام سب زي كذا
    أول ما سمعت بس كلمة وحدة … " انقلع"
    واقفل الإذاعة مباشرة
    أجل فيه احد يقول لحبيبه انقلع ..!!!
    بس زي ما قلتي
    الرجل الشرقي يحتاج التهزئ عشان يتأدب ض1
    …سمعت اغنية عبدالمجيد
    وحلوة
    بس احلى شي
    كلماتها .. رااااااااااااااااااااااائعة
    واللحن هادئ
    حلو الاختيار
    وفي انتظار التصميم
    اتوقع بيصير حلو… لان الكلمات اصلا حلوووووووووووووووة
    …على كل … انا ما اسمع عربي اصلا
    فرنسي وانجليزي
    بس من وقت لآخر .. نسمع عربي بشكل بسيط

    و حياااااااااااااااك غروووووووووووبة
    وابدا … خذي راحتك في السبيس
    وانا اصلا تعبان (انفلونزا + تلبك معوي) … ولا كان بعد طولت الكلام في السبيس خخخخخخخخخخ

    انا امس … سويت استبيان في الدوام عندي
    بالنسبة للشباب اللي راح يتزوجون قريبا
    وكنت ناوي اكتبه … بس للأسف … الحرارة كانت شوي مرتفعة
    ونمت من الساعة 8 مساء إلى الساعة 4,30 فجرا خخخخخخخخخخ
    احلى نووووووووووووومة
    …ان شاء الله قريبا اكتب الاستبيان هنا

    تشااااااااااااواااااااااااااات
     

  3. sHmo0o3 says:

     
     
    ســــلامـ
     
    سـلامتكـ ماتشوف شـــر ,, وطمننـا على صحتكـ ..
     
    وبأنتظــار الاستبيــان …
     
    فمان الله خيوو🙂

  4. NaDeR says:

    وعليكم الســـلام :)…صباح الخير —> توه قايم
    …شكرا على السؤالبس الحمدلله, امس رحت للمستوصف, وأخذت أدويةالسبب … وجبة الغدا كانت (حلويات + لبن) خخخخخخخخخخخ
    لأن المحتويات دهون + دهونسببت تلبك معوي …والحمدلله … الحالة أحسن الحين … والإستبيان ان شاء الله … انزله اليوم او بكرا الخميس

    بس عاد شدي حيلك … ونشوف التصميم في أقرب وقت تكوني فيه فاضية

    تشاااااااااااااااااااااااااااااااااو

  5. voix says:

    السلام عليكم ورحمة الله وبركاته
     
     
    مساء الخير نادر وغربة الروح شلونكم
     
     
     
    الحياة فيها صراعات كثيره ولا احد يقدر يحدد المشاعر لان اسبابها كثيره والانسان يا اخواني كتله من التناقضات يحب ويكره ينسى ويتذكر يضحك ويبكي واعتقد الانسان الطبيعي لازم يعيش كل مراحل شعوره لمثال بسيط
     
     
    واحد حب وحده فجأه جرحته في الصميم او اذته بمشاكل او ورطته في مشكله هل راح تكون ردة فعله لا انا احبها عادي تسوي فيني اللي تبي او مثلا استغلال الشخص ويكتشف في النهايه انه مغفل اعتقد الفكره تحتاج اعادة تفكير وصياغه
     
     
     
    والحب اللي تتكلم عنه يا نادر ممكن يكون في الجنه لان الصفات الشينه في الانسان مثل كره   وحقد وظلم تنزع من الانسان في الجنه اما الكلام عن الدنيا فهذا نسج الخيال لان الواقع غير تماما مع ان الحب والاحترام مطلوبين مثلا في العلاقات البشرية
     
    وشكرا اختكم عاشقة؛الترجمة

  6. NaDeR says:

    وعليكم الســلام ورحمة الله وبركاته …أهلين عاشقة :)…كــلامك حلو
    وفعلا … شي طبيعي لو مثلا كرهت إنسان لأنه أخطأ في حقي
    لـــكن
    أنا لما تكلمت في الموضوع … كان في بالي تصور معين
    أشوف شخص يحب ويعشق بشدة … يرسل هدايا ويكتب أشعار
    حتى يمكن يسوي أكثر من كذا
    وفجأة … بسبب مشكلة .. او موقف مر فيه ويمكن بسبب ظنونه او غيرته
    كل مشاعره تنعكس في الاتجاه الثاني
    …الشخصية هذه .. أنا شفتها في ناس كثير
    خاصة في بداية مشوارهم … لما يكونون في قمة شعورهم
    بس بعد فترة … يخفت شوي الشعور
    وبعد اول مشكلة , تأتي المشاعر السلبية

     انا قلت بأني أعتقد مثل هوؤلاء " يتوهمون " أنهم يحبون

    طبعا يظل مجرد رأي

    يمكن تأثري قليلا بأسلوب نزار … وضع عندي تصور خيالي
    بس أفضل يكون عندي حلم خيالي ولا حقيقة تشابه الشي اللي نقراه في اشعار اليومين هذه
    على الأقل الشخص يحلم يكون عائلة … وهو مبسوط ومتفائل
    بدل ما يصير خايف يتزوج ويتبهذل خخخخخخخخخخ

    وووووووووووووووووووووووووووووووووووبس

    تشااااااااااواااااااااااات
    وشكرا على المشاركة … ونشووووووووووووفك
    (F)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s