زواج صديقي فهد

الســــــــلام عليكم

يسرنا ان نزف إليكم الخبر الآتي

البارحة وبتوفيق من الله

انتقل زميلي فهد .. من عالم الشباب .. إلى عش الزوجية

البارح, كانت ليلة لا تنسى

تلقيت كرت الدعوة قبل اسبوع, لكن طبعا انا عارف بأمر الزفاف من شهووور

اتصلت على فهد العصر, استفسر عن حالته النفسية

يعني مثلكم عارفين, الواحد في يوم عرسه, يكون من جد متوتر

جلست طبعا اضحك عليه شوي

واذكره بالاشياء اللي كان يسويها من قبل

واهدده اني راح اكتبها في رسالة لزوجته, عشان يتأدب

لوووووووووووووووول



الساعة 9.30 كنت على باب القصر

وكنت على اتصال مع فهد

وفهد فعلا كان قريب … وكان الموكب حقه رائع

صح اني ما اؤيد المواكب … لكن الفرحة بفهد خلتني اتغاضي عن الشي هذا

قبل ما يوصلون القصر بـ 100 متر

نزلوا الناس اللي كانوا في الموكب … وجلسوا يرقصون في الشارع

لوووووووووووووووووووووووووووووووووووووول

شي خيالي

اتوقع لو كنت قريب منهم, كنت طبيت معهم ارقص

المهم, شوي وقرب الموكب, والسيارات الكشخة … وفهد في أحلى سيارة

ما شا ءالله عليه … والله جلست اهلل عليه, خفت اعطيه عين

………..
………..

اول ما دخل القصر, هجموا عليه المدعويين … وجلسوا يسلمووووون

عاد هو ما شاء الله عليه, محبوب من الجميع

انا جلست برى القصر شوي, انتظرت لين الجميع سلم

وما بقى احد جنبه

ورحت دخلت … وسلمت عليه, وباركت له, وباركت لأبوه

وبعدين رحت جلست جنبه, وجلست اضحك معاه

واقوله, انه الموكب مرة كان حلو … وانه مرة كشخة اليوم

(لازم الدعم المعنوي في اللحظات هذه )

وبعدين, اخذت صورة معه

صورة تذكارية, ما راح انساها



ما شاء الله عليه

والزواجه هذه, خلتني اتحمس اكثر واكثر للزواج

(أعجبني الكرسي  )



تشااااااااااااااااااااااااااااااااااو

والله يوفقنا جميعا

 

 

This entry was posted in Uncategorized. Bookmark the permalink.

2 Responses to زواج صديقي فهد

  1. jawaher says:

     
    الف مبروك والله يوفقه ويجمع مابينهم بالخير
     
    وعقبالك
     
    علشان تجلس على الكرسي
     
    بس تدري اول مره اعرف ان الرجال عندهم موكب ورقص وحركات
     
     

  2. NaDeR says:

    أهلين

    ان شاء الله عقبالي
    لوووووووووووووووووووووووووووووووووووووول

    واهم شي الكرسي
    مع اني اصلا ناوي من جد يكون زواج عائلي
    بس مافيها شي, الأحلام ببلاش
    ض1

    المهم
    بالنسبة للموكب والرقص
    فيه سلمك الله
    …الزوج يكون مثلا في شاليه او فندق من الظهر او العصر, ويكون عنده الحــلاق عشان يتجهز
    (يغير ملامحه السعودية, ويحولها إلى لبنانية)
    وبعد صــلاة العشا بشوي
    يحرك الزوج على سيارة حلوة تكون إيجار او لأحد زملائه
    ويكون معاه اصدقائه الخاصيين والأقارب
    يعني 10 سيارات على الأقل
    واللي أشوفه, انهم عند كل اشارة يوقفون ينزلون ويرقصون
    ويكون فيه شخص مسؤول عن التصوير
    وبعض الناس, تجيب شخص مسؤول عن تصوير الأفراح
    بس طبعا المعرس ما يرقص إلا قليلا

    في النهاية
    الجو مرة حلو
    ووناسة
     

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s